Bunita di e forsa di un coalicion ta cu por tin un control interno debido y esey ta loke pueblo pa hopi aña a haya falta di dje”, di e forma aki Marisol Lopez-Tromp, lider di Fraccion di POR den Parlamento a inicia e conferencia di prensa diamars mainta.
E ta bisa cu pa hopi aña, a pesar cu lo por tabatin diferencia di opinion, esaki no tabata yega pafo y tabata parse cu cierto grupo di parlamentario lo ta ‘ja-knikkers’ of cu no tin un opinion propio y hasta den cierto caso cu nan ta wordo silencia.
Contrario na esey, awo cu tin un colacion, e poder di dje ta cu e union di diferente partido cu a yega na un programa di gobernacion, unda su integrantenan por keda critico, cu por tin diferencia di opinion, cual ta wordo splica y aclarea, esaki ta mustra un control interno cu ta importante pa tin.
E control aki ta wordo realisa tambe pa nan como parlamentario. Parti di dje ta pa invita e diferente ministernan den varios di e reunionnan, no solamente publico, pero interno tambe, Marisol Lopez-Tromp a duna di conoce.
