Den categoria 4 pa 7 aña Marie Claire Denz a logra bay cu 3 titulo den e festival di canto organisa pa Pierewietje. Marie Claire a presenta un bunita cancion “Coqueta” hunto cu su amiganan riba e escenario di The New China Club.
A logra gana Best Show, Mas Popular ( Mas Carchi Bendi ) y e titulo maximo di promer lugar. Na di dos lugar a keda e duo Kyra Jong Y Merrilee Tromp cu tambe a duna un bunita presentacion. Na di 3 lugar e trio Aylee Kock, Amelia da Silva Menezes y Jahlainey Kock. Un pabien na tur nos muchanan cu a sa di bria.
