LNG Gas ta keda ta e noticia cayente di e momento. Europa ta luchando pa haya mas fuentenan y aliansa strategico pa importa gas natural pa cubri su necesidadnan industrial y residencial, mientras cu Merca ta construyendo un infrastructura gigante pa cubri e necesidad aki di Europa y a compromete su mes pa cubri 33% di tur nan necesidad di LNG Gas y Gas Natural pa e siguiente 20 aña. E compromiso aki ta encera un suministro di 50 biyon metro cubico di gas cu lo sali di Merca pa Europa.
Mientras tanto representantenan di Eagle LNG a informa mi persona cu nan a caba di adkeri proyectonan nobo pa entrega LNG Gas na islanan den cercania cu ta Antigua y tambe St. Kitts. E dos proyectonan aki ta hopi similar na esun di Aruba. Adicionalmente Eagle LNG ya tin proyectonan operando na LNG Barbuda, Puerto Rico, y Jamaica. Ademas Eage LNG ta suminstra LNG Gas na algun di e companianan di barco mas grandi di mundo y aworaki a caba di firma un acuerdo importante cu un compania crucero enorme pa fuel nan barconan turistico cu ta opera riba gas natural.
Pueblo por wak con e islanan di Caribe tambe ta buscando pa transiciona pa gas natural, reconociendo e necesidad di opera nan utilidadnan y industrianan riba un fuel cu ta hopi mas economico, limpi pa e medio ambiente y confiabel. No ta di ningun sorpresa pues cu Eagle LNG a caba di anuncia cu nan a cera un deal cu Aqualectra, e compania di Utilities di nos hermana isla Corsou. Eagle LNG a gana e destaho publico y dia 7 di April 2022 ta firma e Heads Of Agreement oficialmente! Un gran noticia sin duda cu ta digno di celebra. Di e forma aki nos ta keda wak desaroyonan positivo cualnan ta keda confirma e bon direccion y eleccion di WEB Aruba N.V. y Gobierno di Aruba.
Na December 2020 Aruba a firma su Heads of Agreement cu Eagle LNG pa suminstra gas natural pa WEB Aruba NV. Esaki tabata un paso historico pa sigui expande y establece e vision di WEB Aruba N.V. pa sigui baha e compania su dependencia di HFO y transiciona su fuel pa uno hopi mas economico, stabiel den prijs, limpi pa medio ambiente y cu por conta cu un suministro constante di Merca. Despues a firma un exclusivity letter dia 14 di January 2021 y a negocia e Gas Supply Agreement di biaha cu a wordo firma na December 2021.
For di akinan mi ta manda un pabien sincero na e pueblo y gobierno di Corsou cu a accepta y welcome e deal cu Eagle LNG cu man habri y aworaki ta dal un paso historico hunto cu Aruba cu e decision grandi y importante aki pa transiciona nan utilities cu gas natural di Eagle LNG.
