For di prome momento cu e informacion a drenta riba atraco di un trahado di Pizza Hut, e cos tabata hole straño. Awo ta resulta cu e mesun trahado a orkestra un atraco y kier a horta e 18 mil florin cu a mande bay deposita na banco. El a bisa cu nan a bay cu e auto y su telefon.
E mes a laga e auto banda di e Chicken Farm na Pos Abou y pasa den e hanchi di santo bin abou den e pida mondi. El a topa dos hende ilegal trahando y pidinan fia telefon pa bati alarma. E mes a coy su telefon tira den e mondi eybanda. Investigacion riba mesun dia a conduci cu atraco team a haya e celular den e matanan di Hubada. A detene ambos ilegal cu a bay yuda e atracado cu telefon. Mientrastanto e investigacion a sigui. Dialuna mainta e luna nobo y e siman nobo a habri malo pa e trahado di Pizza Hut.
Un homber cu su trabou a scoge pa purba horta riba un storia di atraco e 18 mil cu a mande deposita na banco. Vocero di polis a manda e siguiente informacion. Atraco team a detene un homber sospecha di tin di haber cu e atraco cometi na Pizza Hut. Tabata dialuna siman pasa un un hende homber cu a transporta placa pa Pizza Hut a bira victima di atraco.
E victima trahado di Pizza Hut a declara di a ser agredi door di e atracadornan. Hasta a pidi ambulance pa e victima cu a bay hospital pa ricibi tratamento medico.Dialuna mainta atraco team a haci un entrada hudicial na dos diferente cas. Un cas na De Vuyst. Na e cas na De Vuyst 105 a detene e homber Mondy Merveille naci na Haiti di 47 aña sospecha di tin di haber cu e atraco na Pizzahut. E ta conoci tambe como DJ Mondito.
Basta popular entre e comunidad Haitiano. Atraco team ta pidi si un hende tin cualkier informacion extra djis yama tiplijn di polis na 11141. Bo ta duna bo informacion y tur informacion ta keda anonimo.
