Polis a canta bingo durante un control rutinario na Pos Chikito. Despues cu a para un auto a dicidi di controla tur persona den e vehiculo. A pidi tur hende pa bay fo’i auto pa listra e auto y nan mes tambe.
Tabatin sospechoso caba cu e tiponan aki ta envolvi den un caso di losment’i bala den bario. Ta constantemente polis mester activa den e bario di Pos Chikito pa tiro, pero ora yega e cowboynan a bandona s sitio caba. Awe, a logra para nan y durante control a logra confisca un arma di candela.
Polis a detene tres sospechoso, dos hende homber y un hende muhe. A bay cu nan ward’i polis pendiente investigacion. A confisca e auto marca Nissan modelo Sentra tambe pa mas investigacion.
Recientemente polis y Ministerio Publico a anuncia cu lo tene extra control pa arm’i candela. E control aki ta dunando su fruto, ayera a kita arma di candela for di caya y awe un biaha mas. E detencion a sosode diasabra anochi alrededor di 8:10 pm
