Lamentabel cu otro persona ta bira victima di agresion na man di su pareha. Esaki ta e caso un biaha mas na San Nicolas, caminda un persona femenino ta hay’e confronta cu e amargo realidad cu e ta un victima di abuso fisico.
Den careda di 8:00 pm a pidi presencia di polis pa un discusion cu a bay completamente for di man y un hende homber lo a agredi formalmente un hende muhe den area di dr. Scheapmanstraat. E persona aki a bandona e sitio den su vehiculo y bay direccion Sabana Basora Noord.
Aki ta caminda a pidi demas patruya pa mobilisa nan mes dicho adres pa asina bay atende cu e agresor aki. Na yegada en berdad a bin topa cu ne y mesora a deten’e.
Segun por a compronde cu e persona aki ta un conoci di polis y bo tabata dje dificil ey pa localis’e. Un biaha mas, den bon coordinacion cu K9 unit y demas patruya a detene e sospechoso aki y transport’e pa warda pa asina e duna cuenta di su acto.
