Dialuna atardi alrededor di 6:00 pm polis a para un Honda Accord color blauw den Edisonstraat. Ta trata di un conocido di polis, ora a bay control’e a resulta cu e no tin rijbewijs valido.
Comosifuera poco, a hay’e cu granel di marihuana den su poder. Ta tur motibo pa polis deten’e y transport’e pa ward’i polis. Na final polis a confisca e auto. No ta prome biaha cu polis ta atende cu e individuo aki. A transport’e pa ward’i polis caminda lo present’e dilanti un subfiscal.
