Den e parti financiero Aruba a bin di un caminda largo. Pero prome cu Covid-19 a bini segun minister di Finansa y Cultura, Aruba tabata bayendo den bon direccion.
Na comienso di 2020 a presenta presupuesto cu un surplus despues di diesdos aña di tempo, segun Minister di Finansa y Cultura mr. Xiomara Maduro, esaki ta algo grandi pa Aruba. Tur esaki ta danki na un disciplina y un club di hende cu a traha hopi duro. Profesional Arubiano cu a sa di traha duro pa por yega n’e momentonan eynan. “Lamentablemente mundo a conoce Covid y esey ta trece cu ne e retonan”, e mandatario a expresa durante rueda di prensa.
Consecuentemente el a cambia completamente e scenario financiero. Segun e mandatario, e informacion ey el a comparti ayera cu e sindicato- y gremionan comercial pa tin un bista mas detaya con e situacion di Aruba ta. Di aki padilanti tin cambio cu mester haci, manera indica cu Hulanda lo brinda fondo di sosten. Pero di otro banda e tin su exigencianan di cual ta condicion politico. Esey ta bay trece algun cambio.
No solamente e parti financiero, pero tambe den cultura. Esaki ta significa cu e balans cu mester tin tur trabou ta importante, di cual nan a custumbra di esey ya cu nan a carga tres cartera. E mandatario a expresa cu den e prome gobernacion a carga cartera di economia tambe, y a haci hopi trabou.
Pa un cobertura mas amplio lesa e edicion di TREMPAN di mañan.
