Campeonato HEINEKEN fast pitch dedica na na baluartenan Chin Thiel ( q.e.p.d) y e trabuco Wiwi Maduro a continua riba tereno na Pos Chiquito.
Den e promer encuentro di anochi den categoria AA Macuarima Indians den gran forma ta logra un victoria importante derotando Spuiters 2-1. Spuiters ta pica ariba den bom di promer inning y Macuarima ta empata den cabez di dos inning 1-1. Den cabez di 5 inning Macuarima ta anota e careda cual porcierto ta resulta mas despues e careda di victoria. Macuarima Indians 2 careda, 7 hit, 1 error y ta laga 7 coredor na base. Spuiters 1 careda, 5 hit, 1 error y ta laga un total di 12 coredor den circulacion. Pa Macuarima Indians a destaca na bate Edgard Flanegin 2-1, Carlos Croes 3-3 cu 1 rbi aportando ofensivamente na su propio causa, Jermin Ras 3-1 cu 1 rbi y Carlos Mejia 3-1.
Pa Spuiters a luci den causa perdi Deyon Peterson y Reison Alvarado di 3-1, Gerald Tromp 3-2 cu 1 rbi y Arsan Wester di 2-1. Carlos Croes a lansa un tremendo partido tirando 6 inning pa un total di 102 lansamento permitiendo 0 careda limpi, 4 base por bola y 4 ponche pa pone e victoria riba su nomber. Henk Arnold tambe por mira atras riba u tremendo actuacion tirando 81 lansamento permitiendo 2 careda limpi, 2 strike outs y 1 base por bola pero mester conforma su mes cu e derota. Den e di dos wega di anochi e muchanan di Jose di Logros ta anota 6 careda den cabez di 6 inning pa bolter e score 9-8 pa asina saboria y celebra nan promer victoria den categoroa AA. Logros 9 careda, 10 hit, 4 error y ta laga 9 coredor na base.
Piratas 8 careda, 7 hit, 4 error y ta laga 10 coredor den circulacion. Mihor bateadornan pa Logros ta Junior Simon y Alexander Groeneveld ambos di 2-1, Rashi Barry 3-2, Jose Rosario Acosta 3-2 cu 2 rbi, Clemente Garcia Gil 2-1 cu 2 rbi. Pa Piratas a luci na plato Ramon Gonzalez 3-2, Jonathan Perez 2-1, Leyvis Gonzalez 4-2 cu 2 rbi y Franny D’Oleo 3-1 cu 4 rbi. Clemente Garcia Gil ta drenta releva gar Bautista den di 4 inning y ta seya e victoria riba su nomber. William Bentiez ta bay 4 inning y dos tercio y ta bay cu e derota riba su nomber. William ta wordo releva pa Richard Marrero. Campeonato den pleno desaroyo.
