A cuminsa un persecucion formal den cayanan di Village San Nicolas despues cu testigonan a indica di un grupo lo tabata agredi un persona den area di Carnival Village.
Esaki a pasa den careda di 2:42 pm, ora cu recherche den e area a topa cu dicho pelea. E sospechosonan a sali na careda na diferente direccion den e cayanan di Village. A indica di mira varios di nan cu machete den man.
Unidadnan di districto di San Nicolas a presenta na sitio y a cuminsa un persecucion den Village. Un rato despues a bin topa cu e victima den Rembrandstraat na altura di un barbershop. Na sitio a compronde cu e persona aki cu tabata herida. A transport’e pa warda di polis p’asina tuma su declaracion relaciona cu e agrecion cu el a ricibi. Te na e momento ey no tabatin ningun detencion.
