Doño di cas a yega cu intencion di corta coriente di e huurdo. Pa lunas esaki no tabata pagando e coriente y e doño su henchi a yena. Un situacion basta tenso a tuma luga den Driemasterstraat na Playa na momento cu un persona cu ta huur un cas a realisa cu ta bay corta su coriente.
E doño di e cas a bin informa e huurdo cu pa motibo di pago atrasa no a keda nada otro cu corta e coriente di e cas te ora cu cumpli cu pagonan atrasa.
Na momento cu e huurdo a cuminsa compronde e intencion di e doño di cas, su fuse ta esun cu a bula. Cu cuchiu den man el a sali riba e homber, menasando y insultando. Di otro banda e doño di e cas ta recorda e huurdo cu e tin algun luna caba sin paga e coriente.
Situacion di menasa a cuminsa bay for di man ora cu e huurdo a laga sa cu e lo bay destrui e auto di e persona aki como tambe e menasa serio na momento cu a saca un arma blanco pa usa contra dje. A yama polis mesora pa bin atende cu e huurdo aki riba su comportacion y riba e seriedad di su actonan. No a detene ningun hende na sitio.
