Diahuebs e entretenimento a continua riba Parke Reina Wilhelmina durante e Bonaire Regatta Festival.
Ya for di atardi tabatin entretenimento mientras cu e Regatta mes tabata tumando luga. Pa cera e anochi, e artista Arubiano, Loutiza Raven hunto cu su banda completo y naturalmente su bailarinanan, a bolter e publico presente cu su show espectacular, como cherry riba e bolo pa loke ta e dia.
Na momento cu el a subi escenario, Loutiza a sinti e publico. El a comenta cu el a disfruta y ta hopi contento. E tabata hopi emociona, el a indica. El a bin cu un repertorio hopi varia, entre otro bachata, salsa, merengue y hasta musica Mericano.
Loutiza a bin cu Celebrate Band. Ta purba di complace ya cu no por complace tur hende. Pero si casi tur hende. Pesey nan ta bin cu un tiki di tur cos.
PROXIMO PASO
Loutiza a conta cu lo sigui produci mas cancion nobo cu ta bay sali. Loutiza ta invita mundo henter sigui’e riba su Instagram #Queenloutiza y Facebook #Loutiza Raven pa tur e produccionnan cu lo sali.
Loke e mes lo sigui haci ta canta cu curpa y alma pasobra tur su fanaticonan merece esey.
Loutiza ta cla pa sigui canta, cla pa sigui saca su cancionnan nobo. Sigui’e riba social media y lo haya sa di dje pronto.
PROGRAMA PA AWE DIABIERNA
Pa loke ta awe diabierna, e programa ta sigui for di 4:00 pm y pa culmina lo bay tin Buleria hunto cu Claudios como tambe DJ Marv cu lo cera e evento pa 1:30am.
