Un bon iniciativa semper mester por contribui cun’e, sigur si e ta na bienestar di e formacion y desaroyo di nos muchanan.
Awendia ta hopi importante conscientisa nos hobennan cu practica cualkier deporte ta importante pa e curpa humano, esaki pa e salud y pa ta un miho persona semper. Na banda cu Lotto pa medio di comision di subsidio ta subsidia biahenan di nos delegacionnan deportivo of financia mayoria eventonan deportivo organisa pa nos federacionnan pero tambe ta contribui cu ayudo di materialnan nobo na diferente organisacion deportivo. Recientemente a haci un contribucion di materialnan di deporte na e organisacion di Estrella Youthbasketball. A haci donacion di dos basketball board nobo esakinan di un calidad super halto y sigur duradero. Awor e muchanan di Estrella Youthbasketball por entrena y praktica nan deporte preferi sin problema.
E organisacion di Estrella Youthbasketball ta consisti di alrededor di 50+ mucha y hoben den e edadnan di 7 – 18 anja di edad. E organisacion tin 5 ekipo di basketball di cada edad esta un ekipo den 7 – 9 anja, un den 10 – 12 anja, un den 13 -14 anja, un den 15 -16 anja y un den 17 – 18 anja cu ta milita den e campeonato di Aruba Basketball Bond. E coachnan ta Rudy Croes, Kenneth Vrolijk y Nilo Swean. Un danki sigur na Lotto, e Loteria di Aruba cu a percura pa Club Estrella haya dos basketball board nobo pa asina nan basketbolistanan den tur division por praktica cu mihor materiaal y mas duradero. Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio
