Kelvyn Garcia, di nacionalidad Venezolano, pero cu mas di 10 aña bibando y trahando na Aruba, ta e feliz ganado di e premio gordo di 680.000 florin di Mini Mega. Kelvyn, un sous chef na Aruba Marriott Resort & Stellaris Casino awo ta feliz cu e suma cu el a gana.
Dialuna el a habri siman reclamando su premio na e oficina principal di Lotto. Su numbernan di suerte tabata 06-11-22-24 y e Mega Ball 09. E sorteo tabata diabierna ultimo.
LOTTO TA APORTA NA ECONOMIA Y NA TRABOU
Tin mas di 180 rebendedo di Lotto di Aruba, situa tur rond di nos isla. Lotto anualmente ta paga mas o menos 5 miyon florin na comision na rebendedonan, pues ta mira den cada un di nan un bon partner di negoshi. Lotto ta paga comision na rebendedonan y sin lubida BBO na Departamento di Impuesto. Tur esaki ta afecta nos economia den forma positivo.
TOCANTE LOTTO DI ARUBA
Lotto, e loteria di Aruba tin diferente wega manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus, Lucky 3 y e diferente weganan di Raspa y Gana.
Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di un donacion di 4.5 miyon florin tur aña na Stichting Sportsubsidie Aruba.
