Marisol Lopez-Tromp, kende ta ex minister, a haya su retiro algun dia pasa y awe a reacciona riba loke Juan “Ady” Thijsen a trece dilanti. Desde principio cu a trece e mocion pa kit’e como minister, na diferente ocasion el a bisa cu loke a haci contra su persona no ta corecto.
Durante su entrevista den Enfoke 90, Lopez-Tromp a bisa di a tende cu Thijsen a trek in tur tres mocion di desconfiansa y tur esaki ta pone pensa cu tin sorto di un maneho di tolerancia nobo. E kier sa cuanto ta bay tolera cu un presidente di Parlamento ta tuma decisionnan pa viola e propio leynan. E decisionnan cu Thijsen a tuma, a trece discusionnan den comunidad.
Hendenan cu ta experto di e materia y a studia p’e ta cuestiona decisionnan tuma di Thijsen. Esaki no ta prome decision cu no ta na su luga, pero tambe di no por a tuma su so. E presidente di Parlamento a trek in e mocion despues di casi un siman, cual tabata algo cu el a defende y di tin rason. Lopez-Tromp ta di opinion cu a tuma un reunion publico cu e meta di di no tira riba pisca pero riba minister y den caso aki a retir’e. El a papia basta largo riba e tema aki.
