Recientemente gerencia di Ling & Sons a haci un anuncio pa por atende su clientenan di un forma. Nan a dicidi cu pa e temporada aki di fin di aña a introduci orario extendi.
Desde 18 di december ultimo nan ta habri for di 7:30 am te cu 9:00 pm, pues un ora extra. Riba diadomingo ta habri di 9:00 am te cu 6:00 pm. Diadomingo tin un oferta special y riba e Facebook por lesa cual ta e oferta aki.
Dia 23 di december nan ta habri di 7:30 am te cu 10:00 pm. Pa esaki tambe lo tin diferente oferta riba e parti di food buffet.
Riba bispo di Pasco lo ta habri for di 9:00 am te 5:00 pm. Pues mester probecha e orarionan extenso pa haci e compras di dianan di fiesta, ademas di e ofertanan special cu lo tin tur e dianan aki.
Ling & Sons tin su tradicional campaña di fin di aña cu tur su clientenan por participa den dje. E campaña aki yama “Win the “golden box”. E ta representa premio balora na diesmil florin. E ta encera entre otro tv flatscreen, playstation, Nintendo Switch, Iphone, smartwatch, etc.
Pa cada compra di 75 florin ta haya un scratch & win ticket. E scratch & win ticket tin tres mil diferente premio. E premionan ta varia di certificado di regalo, basket, productonan di Pasco, boter di binja, etc. Tambe por gana via di weganan online of yena informacion di bo persona riba e ticket di scratch cu no a gana y tiré den tombola. Dia 5 di januari ta saca 10 finalista pa participa pa e wega di Golden Box, cu ta un competencia di shopping spree.
