E legendario luchador Mericano Mark Calaway, miho conoci como “The Undertaker”, lo duna su “ultimo adios” na WWE den e evento Survivor Series, e empresa di lucha libre a laga sa diabierna.
Ta trata di un fecha di despedida bastante simbolico: e aña aki e evento lo tuma luga dia 22 di november, e mesun dia cu e iconico strea di WWE a haci su debut den e edicion di Survivor Series di 1990.
Durante su carera, The Undertaker a participa den algun di e miho combatenan di historia di e deporte aki contra Hulk Hogan, Ric Flair, Triple H, Shawn Michaels y Mick Foley, entre otro.
Anteriormente, e compania a informa cu e edicion di 2020 di e evento anual aki lo ta dedica na e iconico carera tambe denomina “Dead Man.”
Juni ultimo, Mark Calaway a anuncia cu “den e etapa aki di su carera e no kier bolbe bek den ring” y cu tabata “e momento corecto” pa pone fin na un carera cu a dura mas di 30 aña.
