One Of a Kind ta comparti su siguiente cancion cu e comunidad di Aruba. E biaha aki canta pa e legendario di Aruba Jossy Brokke Jr hunto cu Jurick Salomón. Cancion yama: Dia di Pasco. E cancion aki ta un cover di Michael Bublé cu letra adapta pa Danilo Vrolijk. Nos ta hopi contento di por a saca un tema di Pasco hunto cu Jossy mirando cu e aña aki ela Celebra su 65 aña den Farandula.
Un tema cu ta splica riba e nostalgia di recorda e dushi temponan cu a pasa hunto cu ser keri. Letra hopi emocional y canta cu un gran amor pa pueblo. Grabacion haci den studio di One Of A Kind Music. Ta gradici e pueblo cu semper ta sostene y apoya One of A Kind.
