Dialuna den oranan di atardi, Polis a wordo manda den direccion di La Cabana. A drenta informacion cu tin un ladron wanta eynan. E ladron a horta turista. Na yegada a topa cu un homber naci na Hulanda pero cu lo ta bibando na Aruba. E tabata move banda di casino. Na dado momento el a tira man riba un cartera y telefon di un turista den casino. Seguridad di Tropicana Resort a reacciona rapidamente. Nan a cuminsa core tras di e persona. Masha leu e no por a yega danki na e reaccion rapido di e seguridad di Tropicana. A logra gare banda di Eagle Beach. A notifica Polis cu a presenta na e sitio y asina bay cu e ladron warda. Tipo di hendenan asina ta causa danjo na nos turismo. Varios Hotel tin seguridad pa cuida nan area y den e caso aki esnan di Tropicana Resort a demostra un biaha mas cu malhechornan no tin chens cu nan.
