Diadomingo Polis a haya nan mes cu un otro caso di un ladron na Noord cu varios biaha a wordo señala como e sospechoso pero te ainda no a logra gar’e of tin e pruebanan contundente contra dje.
Tabata un poco despues di 4’or di atardi cu Polisnan a bay na Perle d’Or na BubalI, unda trahadonan lo a topa cu un ladron cu varios biaha a horta den e hotel ey. Net na momento cu e ladron ta cla pa drenta den accion dos Van di un compania di entrega a yega na Perle d’Or y a nota cu e ladron ta cla pa drenta den accion.
Mesora a blokia su auto pero el a sali na careda bay direccion pa Save More. Varios patruya a mobilisa nan mes na e dicho luga unda cu el a core bay sconde pero despues di basta rato di buskeda no a logra haya e homber aki. A manda pidi takelwagen p’asina transporta e Toyota Yaris color preto cu number falso, cu a keda na e sitio, pa transporta esaki pa warda di Balashi.
