Diasabra anochi laat manece diadomingo, a bati alarma p’un persona cu rugtas y cu varios ekipo den su man. Ta den e area di ex Tao Bou na Tanki Flip unda cu a señal’e ultimo.
Polis a actua rapido y a cuminsa un buskeda den e area. Na altura di Tanki Leendert 167 a topa cu e homber y a cuminsa persiguie. E tabata core un bais color shinishi. El a benta esaki abou y core bay laga polis na pia. A laga varios ekipo di construccion atras y tambe su bais.
Polis a core su tras pero a perdie den e mondi di Tanki Leendert. Un rato despues polis a bolbe topa cu ne y a deten’e mesora. Cu yudansa di mas patruya a logra haya mas articulo, cu ta sospecha cu nan ta horta, den su poder. A transport’e pa ward’i polis caminda un subfiscal a dicidi sea riba su encarcelacion of libertad.
