Diabierna mainta tempran, e avion di patruya Dash, di Kustwacht, a tuma nota di un embarcacion tipo “Yola”, cu tabata den e awanan teritorial di Corsou.
E Dash na e momento ey a tuma contacto cu e Centro di Rescate y Coordinacion, unda, cu riba indicacion di RCC, a manda un Metal Shark pa asina intercepta e boto. E intercepcion a tuma luga 6.5 miya zuid di Klein Curacao.
A bordo tabata tin tres persona y un cierto cantidad di pakete y otro obhetonan, entre otro un macaco. E personanan y e embarcacion a wordo hiba na e pier di Kustwacht na Parera.
Despues di a conclui e formalidad necesario, e paketenan haya, e macaco y e sospechosonan a wordo hiba na warda di polis y entrega na autoridad.
Ta trata aki di 148.350 gram di cocaina, 6.805 gram di marihuana y a haya un cantidad di arma di candela. E caso ta bao di investigacion.
