Miembronan di Parlamento di Aruba, Corsou y St. Maarten kier duna tanto di nan salario na comunidad en conexion cu e crisis di coronavirus y esaki ta algo bunita. Raymond Knops, Staatssecretaris Koninkrijksrelaties, ta simpatisa cu e situacion y ta kere cu mester pasa mas cos cu esey asina Knops a reaciona den un entrevista duna na NTR Caribisch Netwerk.
A discusi e punto aki cu nan, unda cu e salarionan ta halto compara cu e tamaño di e islanan.
Knops ta haya cu hendenan di directiva cu ta guia e pais no mester bay a base di salario halto. Mester bay a base di companianan di Gobierno, sector priva. Tin ehempelnan di añanan anterior manera Banconan Central di Corsou y St. Maarten di salarionan halto y esaki no ta acceptabel.
E ta haya cu mester kita esaki y mester bin cu acuerdonan politico hopi duidelijk. Tambe mester bin cu leynan, bin cu permisonan, pero no solamente esaki. E ta un gesto bunita, pero mester pasa hopi cos mas. Ta inacceptabel cu tin hende no tin cuminda y di otro manda ta paga tipo di salarionan riba islanan relativamente chikito, segun Knops. Den e tempo aki no por haci esey,
