Diadomingo 2 di october ultimo, Kiwanis Club of Young Professionals (KYPA) tabatin e honor di instala su board nobo, conforme cu Aña Kiwanistico Nobo 2022-2023.
KYPA ta lucha pa mehora nos comunidadnan, especialente pa nos muchanan, via trabounan boluntario y eventonan gratuito cu ta stimula crecemento positivo di muchanan y nos comunidad. Tambe ta organisa eventonan pa recauda fondo y colecta comestibles durante aña.
Conoci pa actividadnan manera Christmas-in-a-Box, Placa Chikito, Night of Glamour, Big Brother Big Sister. Kiwanis Young Professionals tambe ta participa na actividadnan manera K1 Day y e Kiwanis Back-to-School Program caminda ta entrega material nobo di scol pa muchanan rond di Aruba.
Cu e aña Kiwanistico Nobo 2022-2023, Kiwanis Club of Young Professionals Aruba ta honora di brinda bon bini na e board nobo, consistiendo di:
– Presidente: Myrthe Franken
– Vice-presidente y secretaria: Nicole Godett
– Tesorero: Sherellise Ras
– Director di Youth & Community: Genevieve Garcia
– Director di Fundraising: Erwin Ras
– Director di Education: Roël Gomez
– Director di Recruitment & Retention: Melissa Ritfeld
– Director di Public Relations: Lidia da Silva
Nos kier desea e board nobo, conhunto cu tur e miembronan di KYPA hopi exito y perseverancia den e aña binidero, pa asina continua e tremendo trabou pa duna bek na comunidad di Aruba.
Un invitacion pa tur persona of organisacion cu kier yuda, join of colabora, pa por fabor tuma contacto cu Kiwanis Club of Young Professionals libremente na: [email protected]
