Un Scol Saludabel ta stimula salud, bienestar y siguridad di alumno y maestro den un forma integral, structural y duradero.
Integral pasobra ta promove salud riba 4 diferente nivel:
- Señala (Signaleren en doorverwijzen)
- Educacion di salud (Gezondheidseducatie)
- Ambiente di scol (Schoolomgeving)
- Maneho di scol (Schoolbeleid en regelgeving)
Structural kiermen:
- Hancra promocion di salud den maneho di scol.
- Trata e tema di salud na un manera consistente y sostenibel (= ta regenera habitonan saludabel).
- Trata salud di tur participante, esta di alumno, maestro y mayor.
PASONAN PA BIRA UN SCOL SALUDABEL
- Scol mester tuma contacto cu un di e conseheronan (Gezonde School-adviseur) di Scol Saludabel na Jeugdgezondheidszorg na Departamento di Salud Publico.
- E consehero ta bishita e scol pa duna tur informacion relevante. E lo splica e proceso con pa bira un Scol Saludabel y e condicionnan basico necesario (basisvoorwaarden) cu scol mester cumpli cu ne. E condicionnan basico ta e.o. un plan di maneho di siguridad di scol, un plan di accion na momento di detecta diferente tipo di abuso di mucha, e metanan nucleo, e codigo di conducta, etc.
- Pa haya un bista di e situacion di salud di e scol, ta haci un sondeo bou di maestro, mayor y alumno.
- Despues di a determina e necesidad y prioridad di e scol ta scoge un tema como base pa traha un plan di actividad pa e aña escolar.
- E consehero di Scol Saludabel ta guia y monitoria e proceso y duna apoyo relaciona cu e tema hunto cu e partnernan/stakeholders.
- Unabes cu e scol cumpli cu e lista di criteria y cu e condicionnan basico, e scol ta obtene un reconocemento y por profila su mes como un scol saludabel.
COMISION DI MANEHO
Comision di Maneho di Scol Saludabel ta un colaboracion entre 5 instancia:
- Departamento di Enseñansa (DEA)
- Departamento di SaludPublico(DVG)
- Instituto Biba Saludabel y Activo (IBiSA)
- Departamento di Asunto Social (DAS)
- Instituto Pedagogico Arubano (IPA)
