Despues di training camp y campeonato na La Loma, Mexico, rumannan Klaber a pasa un siman na Miami y a haci uzo di e tempo pa bay train na “Peak Performance” di Juan Moreno na Miami. Peak Performance ta un centro di entrenamento mundial unda varios pais sa manda nan atletanan pa train pa nan prepara pa campeonato grandi.
Juan Moreno ta e coach di Brazil y no tabata presente e siman ey, pero su casa Marlen Moreno y Russell Beneby semper ta presente durante training. E rumannan Klaber sa train mas biaha na Peak Performance y cerca Russell Beneby na Tamarac. Russell Beneby conoce e rumannan Klaber y Aruba pa basta aña caba. Russell Beneby tabata bin Aruba pa duna training y asta coach e atletanan den eventonan internacional ora cu tabata tin mester.
Locual ta e actividadnan pa e rumannan Klaber pa e aña aki tin hopi y ta atende nan tur un pa un y ta evalua cada evento pa prepara pa e siguiente campeonato.
