Den fin di siman Joshua Klaber a gana medaya di brons na San Luis Potosí La Loma Mexico. El a gana medaya na e campeonato di World Taekwondo Open.
E rumannan Klaber a biaha dia 8 di April pa La Loma Mexico pa camp training y campeonato. Por aprecia e cobertura riba red social. Tin di menciona cu Jourde Klaber lamentablemente no a pasa di e prome pelea. Di otro banda Joshua Klaber a gana su prome pelea contra di Mexico y a perde e di dos pelea contra di Panama y asina a ricibi su medaya di Brons.
Ta gradici Carlos Rangel di Mexico kende a coach e rumannan Klaber. Ta felicita Joshua Klaber cu su medaya di Brons como tambe Jourde Klaber cu su participacion. E siman aki training ta sigui na Miami unda cu e rumannan Klaber ta preparando pa nan siguiente campeonato.
