E radio emisora, cu a habri como Massive FM bou encargo di Alison Williams a pasa aña pasa den man di Gigi Helder y a cambia pa Vybes FM. Recientemente e emisora y maneho a pasa pa Jonathan Lake, un presentado y organisado di evento masha conoci riba nos isla.
Otro luna, esta prome di mei, Jonathan Lake ta cumpli 20 aña como locutor. Manera otro cu tin nan soño di tin nan propio radio emisora, e ta logrando esey. Dia prome di mei e lo tin su propio emisora, cu un variacion di talento y experencia nobo den radio difucion.
Jona a cuminsa na Crystal FM y a crece den audiencia. Pa ta un locutor durante dos decada no ta algo facil, mirando cu semper mester keda innova.
Awo e ta convenci, cu na momento cu ranca sali cu e emisora nobo, cu nomber nobo, formato nobo, cu e lo ta cla pa alcansa e siguiente nivel di crecemento den media na Aruba.
