Den e ultimo simannan gobierno a flexibilisa tur medida y esey tabata algo notabel tambe cerca e barnan na San Nicolas, caminda cu pa hopi tempo e barnan tabata den un situacion basta fastioso.
Johnathan Holsman, kende ta encarga cu Bongo Bar, segun su experiencia, conta cu el a purba di haci algo desde december, januari y awo. A tene un evento den Bongo Bar. Tambe Minchi’s Bar a haci algo, cu por bisa cu a kibra caya.
Holsman a conta cu San Nicolas tabata mustra un Palm Beach ‘pending to be’. San Nicolas tin hopi potencial, el a remarca.
No por ignora cu polis ta ‘treed op’ pa mantene orden publico y den varios ocasion a core cu hende fo’i caya.
Holsman a comenta cu esey ta parti di nan trabao. Tur esaki ta comprendibel pasobra nan tin cu haci loke cu nan ta haya ordo pa haci y no por haci nada cu esey.
Medida t’ey pa un motibo, aunke e ta tiki fastioso p’e negoshinan chikito, pero tin cu deal cu ne.
Ta spera cu tur cos ta suavisa pa miho y cana miho pa San Nicolas. “Nos t’ey,” ta loke cu Holsman a bisa.
Pa un cobertura mas amplio lesa e edicion di TREMPAN.
