Awe riba 29 di juni 2019, dia declara pa nacionnan uni cu mundialmente ta rende homenahe na piscadonan, Centro di Pesca Hadicurari, den aprecio y reconocimento pa su aporte enorme enorme na piscamento Aruba, ta otorga un plakaat special na John Laurence como Baluarte di Piscamento.
John Laurence ta bon conoci na Aruba. Su bos ta resona hopi biaha na radio, television, ranchonan di piscado y tambe reunion unda piscadonan mester haña un representacion digno.
E tin 40 aña den piscamento. Como mucha, nos ta sigur bon mucha manera semper, el a cuminsa pisca canto di baranca. Cu su 14 aña ya e tabata subi lama grandi pa bay pisca cu frecuencia. Algun di su compañeronan ta Fong y pa e ultimo añanan Dechi Bislip. Mas orguyoso e ta cu su yiu mas chikito ta sigui su pasonan y ta un compañero di bay lama awendia.
Centro di Pesca Hadicurari tin un respet y aprecio enorme pa sr. Laurence. E ta consehero di prome orden ora mester consulta pa asuntonan di lama y ta un di e promenan cu ta bati na porta pa bati alarma of hala atencion di autoridad pa asuntonan cu ta afecta piscado. Nos ta spera cu e gesto chikito aki, sa di sirbi como motivacion pa John Laurence sigui eherse su ofishi cu e motivacion sin igual cu el a sa demostra y cu e por sirbi pa motivacion pa hopi otro. John, masha danki.
