Carnvanal 70 a ranca sali riba 11 di november 2023 durante un lansamento n’e banco RBC. Darren van Ommeren, presidente di SMAC, durante un entrevista cu 24ora.com a conta cu ta prome biaha SMAC ta encarga cu e parti di jingle. E biaha aki e jingle lo ta un poco diferente pero sigur ta locual carvanal ta para p’e.
Cu e jingle aki lo ilustra e celebracion cu Aruba so sa con celebr’e, den gran forma. Carnaval di Aruba ta un di esunnan mas bieu compara cu den region.
Dwight Leoneta a forma parti di e ekipo di produccion pa cu e jingle. P’e mes como persona, ta un honor pa por a co-producie hunto cu su bon amigo, Rygel Isabella. E produccion a bay den un tempo basta rapido. E jingle ta consisti di Soca y Tumba, cual ta e dos generonan cu mas Aruba ta biba durante e periodo di carnaval.
Rygel Isabella, manera indica, a forma parti di e duo dinamico cu a produci e jingle pa carnaval 70. Isabella tin algun aña ta dedica na musica y specificamente na soca.
Bradley Vesprey a dedica na e parti di Soca y Chandell Boemond na e parti di Tumba. Pierre Rafini, Gerente di Region di RBC Royal Bank Aruba, a indica cu pa RBC e ta un honor pa sigui contribui na carnaval. Nan tin binticinco aña ta hacie y ya ta anticipando pa futuro.
E ta un proyecto asina grandi cu entre otro Ruben Garcia a laga atras y tin cu sigui cu ne. E ta un otro generacion, tur ta bin cu diferente idea. E diversidad y inclusion ta importante y tin cu biba cu ne. Na final, e meta ta pa haci carnaval di Aruba mas grandi.
