Tabatin diferente cambio cu a tuma luga na Boneiro. Por a mira claramente cu tin desaroyo, segun presidente di Camara di Comercio, kende ta alabes un empresario cu diferente negoshi rib’e isla ruman aki como tambe un fiscalista, Jeaniro Balentien.
E ta sigui comenta cu den e ultimo añanan por a mira un desaroyo economico basta rapido. Loke ta pasando aworaki riba desaroyo di tur area, a bay e mesun lihe. Loke por mira aworaki si ta un desbalansa. Si coy e parti economico, por mira cu tin asina tanto actividad economico cu no por haya trahado.
E mes como empresario, ta haya dificil pa haya trahado, ya cu e desaroyo a bay laga e otro partinan cu mester desaroya, p’e por keda den balansa. Na fin di cuenta tur cos ta balansa.
Segun Balentien, aworaki ta importante pa Boneiro mira e balansa. Por mira como Camara di Comercio, tin hopi actividad economico. Por mira den nan registro di compania (handelsregister), cu a crece enormemente. Tur aña por mira crecemento den e registro, loke pa Camara di Comercio ta bon, pasobra por mira e interes den Boneiro.
Pa mas detaye lesa TREMPAN.
