Diadomingo ultimo, Javinah, reina infantil Tumberito 2020 y Jordan, rey pre-infantinl Tumberito 2020, a uni nan voz pa asina realisa nan grabacion pa un tema nobo pa fin di aña titula “Comparti”.
E cancion ta un composicion di Jaderick Croes y aregla pa e multifacetico musico John Francis Jacobs.
A graba e parti vocal cerca e maestro Michael Odor y guia tabata den man di Danny Koolman y Emilenne Maduro-Boekhoudt.
Diahuebs awo, dia 12 di november, lo ta estreno di e cancion aki, cual lo ta uno totalmente difrente di cual nos tur ta custuma di scucha den e temporada aki.
Keda pendiente pa e presentacion di e cancion di e primonan Javinah y Jordan di nan cancion pa e temporada di pasco y fin di aña pa e temporada aki.
