Na Colombia tin un centro di adicto cu ta keda den San Antonio del Tequendama, pafo di Bogota. Jean Paul van der Kuyp y ful su team ta yuda hopi hende cu problema di adiccion, entre otro for di Aruba.
Javier Trujillo, ex-cliente di Con Animo, ta gradicido p’e oportunidad cu el a haya pa tabata eynan. E ta asina gradici na Jean Paul cu awendia e ta miho debi n’e programa cu tin. El a splica cu e programa Jean Paul a bin cu ne tin un mensahe cu “si tin un speransa cu nos por libera di adiccion.” Awendia e tin un bida.
E ta corda di a yega n’e centro destrui, sin famia. Esey ta e cos di mas doloroso cu por pasa un ser humano, perde su famia. E producto di consumo di substancia a haci cu su bida tabata un caos total y yen di responsabilidad. Cualkier cos cu e tabata compromete su mes, no tabata importa famia, ruman, mama, yiu y demas responsabilidad. Nan tabata pasa na di dos plano, nan tabata stop di existi pa sigui ta esclavo di por sigui haya e consumo ey.
Adiccion di Trujillo a cuminsa cu su diesseis aña. Na 2017 e tabatin 43 aña na momento cu el a bay e centro, pero ya caba el a pasa pa otro intento. Segun Trujillo, nunca el a haya e mensahe desde amor, cariño y comprension. Incluso e unico rekisito ta, unda nan ta puntra si en berdad kier mehora, cu e mester a bisa si e kier haci esey. Por a obedece loke nan tabata bisa, pero sigui esey afo, tur herment necesario pa por tin un bida. Eyfo bida ta continua totalmente igual.
Trujillo ta bay haci shete aña eynan. Pa loke ta trata di su famia, segun e ex-cliente, despues di inicia su bida y reestablece cu sociedad, nan tabata eynan. Ta hopi importante pa conta cu apoyo di famia.
E prome cos cu nan ta siña n’e centro ta e apoyo di otro persona cu ta den recuperacion, terapista, cu e grupo crea di apoyo, e famia. Trujillo a casa, tin un cas y ta responsabel di haci mercado, paga huur entre otro. E ta sinti un orguyo di por a presenta n’e centro y bisa cu si por.
Pa mas lesa TREMPAN.COM.
