Awe na Boneiro e Bestuurscollege y Eilandsraad ta bay urna electoral pa scoge su representantenan pa e proximo cuater añanan. P’esey ta importante pa cada un ciudadano bay vota. Jan Helmond, representante di Reino Hulandes na Bonaire, a expresa pa loke ta trata e relacion cu Hulanda, esaki ta manera e otronan. Tin un relacion hunto cu ta importante. Esaki tambe cu e votamento pa e Eerste Kamer, Eilandsraad y Bestuurscollege tin vinculo, y ta vincula cu otro. Esey ta algo cu nan kier keda mantene. Kiescollege ta un situacion poco mas dificil compara cu Eilandsraad y Bestuurscollege. Resultado di e eleccion di awe lo defini Eerste Kamer. E organo di Eerste Kamer tin un rol hopi importante, cual ta controla Tweede Kamer y na final ta acorda tur cambio den ley y tur loke ta relaciona cu esaki. Tambe e legislacion cu ta importante p’e isla y cu na final ta pasa door di revision. P’esey ta di importancia pa cada ken scoge nan partido cu ta importante pa nan. Helmond a pidi e hendenan cu si tin e cosnan cu nan ta haya importante, pa vota awe. Awe ta e oportunidad pa haci esey. No ta importa di unda bo ta bin, pero tur hunto ta haci Boneiro bunita p’esey vota.
