Den un ambiente unico un biaha mas e animador di radio mas popular na Aruba lo sera y habri anja cu pueblo. Ivo Yanez lo ta live for di La Trattoria Faro Blanco. E lo cuminsa cu su top 100 na Canal 90 for di 9or di mainta y lo wordo transmiti via Tele Aruba Canal 13. Un ambiente diferente cu a cuminsa anja pasa y awe tin hasta cu kier copia y haci mescos. E ambiente lo sigui te anochi laat y asina habri tiro cu anja nobo cu show di vuurwerk. Pueblo di Aruba ta wordo invita pa tey y asina mescos anja pasa celebra e despedida di 2017 y yama Bon Bini na 2018. Lo tin musica live durante e transmision. Ivo Yanez cu su programa Ivo 4 Life ta keda cu e programa mas solicita y cu cosnan nobo cu a wordo hopi gusta. No perde y prepara pa companja cada cancion durante top 100 cu premionan durante e Top 100 cu Ivo 4 Life. Canal 90 y Tele Aruba ta e dos medionan cu por volg henter e Top 100. Pa 7or lo bay en cadena cu esnan na Hulanda ora nan drenta anja nobo 12or mey anochi na Hulanda.
