Den un dushi ambiente Majestic Carnival Group a corona nan Señora Carnaval 65, den persona di Ivia Camacho-Angela. E conocido presentado Ruben Garcia tabatin e honor di bisti Ivia e sherf mientras cu Omar Barientos di Ling & Sons a corona e Señora Carnaval di Majestic.
Amiganan, compañeronan y instructor di baile a bini hunto pa sostene Ivia Camacho-Angela na e evento, cu a tuma luga Santa Cruz studios na Solo TV Canal 22.
Ivia Camacho ta invita tur hende pa yega Harbour Arena dia 24 di januari proximo pa apoya tur candidata durante eleccion di Señora Carnaval 2019.
