Desaroyo turistico di e area Isla di Oro no ta algo nobo. Pero ta data di mas cu un decada pasa. Aunke cu e desaroyado no ta e mesun grupo, e division riba su realisacion a keda mescos.
Inicialmente esun cu a presenta e proyecto aki di 45 miyon dollar tabata Franz Sydow. El a organisa diferente presentacion pero tambe a laga haci diferente estudio. Un di e estudionan, cu su rapport ta contene mas di 300 pagina, a conclui cu no tin nada malo na e proyecto aki cu por bay man den man cu e sistema di medio ambiente.
Aunke na inicio un grupo di NGO’s a indica cu e proyecto ta realisabel cumpliendo cu condicionnan, na caminda a cambia di pensamento.
Awo e proyecto a pasa pa man di e compania J.O.B. Holding & Management V.B.A.,. cu ta e mesun desaroyadonan di Aruba Ocean Villas na Savaneta. Un proyecto realisa, segun nan a indica na diferente ocasion, teniendo cuenta cu e bida marino y medio ambiente. Esaki den sentido di material uza pero tambe a planta diferente mangrove, na unda nan tabata practicamente morto caba.
Pues nan tin experiencia cu proyectonan ecologico.
Den e estudio haci den e caso di Isla di Oro, tin indicacion cu mayoria di e mangrove den e area ta morto caba. Y riba dje, eybou ta calichi tin. Asina mes, e desaroyado nobo, encabesa pa Osyth Henriquez, a bisa di lo haci tur loke expertonan bis’e pa restaura e ecosistema na y rond di Isla di Oro.
Pa relato amplio lesa TREMPAN.
