Durante sorteo di Lotto ayeranochi, Isaï Labadie a perde conocemento den pleno transmision. Pero awo e ta bon di salud. E ta conta cu na momento cu e tabata eynan, e no a sinti mucho bon. El a sinti tiki dolor di curason, curpa tabata soda friu y a yega momento cu e tabata perde rosea. El a collapse.
Ta algo normal cu cualkier ser humano por bira malo y na pia di trabao. Lamentabel den e caso aki, e tabata dilanti camara. Despues el a bay na IMSan unda el a wordo atendi. A check’e y a mira cu a wak cu e tabatin problema cu batimento di curason. Tabatin momento cu nan a mira cu cos e ritmo tabata varia. A pensa cu esey lo a causa cu el a cay flauw.
Desde ayera, dialuna, el a haya tur e papelnan necesario pa bay haci testnan, cual el a haci na hospital awe mainta.
Awor aki e ta sinti’e un tiki swak, pero e tey. E ta sinti su mes tiki mas miho. El a cuminsa traha bek si normal. Labadie ta un hende cu ta trahado y si e keda cas, por ta e por deprimi. E ta pensa miho toch e bay traha y purba sigui cu e bida normal.
Isaï Labadie ta consciente di e preocupacion eyfo, na momento cu el a sak den otro. Aunke e no a pensa cu lo bay ta algo asina grave. E ta gradici henter e pueblo di Aruba pa nan atencion y ta stima nan masha hopi mes.
E no lo tey awe nochi pa canta number, sino te aki dos dia. A recomend’e toch pa tuma dos dia di descanso.
Nos ta desea Isaï Labadie pronto recuperacion y spera di pronto mir’e atrobe dilanti pantaya manera semper.
