Romar Arendsz hunto cu e organisacion deportivo ViperStrong ta sumamente agradecido cu comunidad a deposita su confiansa y ayudo den e compra di cada un di e 21Km cu Romar a corre den nomber di Kyrenne Croes.
E campaña #iRun4Hope ta tumando un forma bunita y noble den e forma cu e ta ricibiendo sosten di nos comunidad. Na e momento aki, e fondo recauda a yega un suma di AFL. 875,-.
Despues di a bende tur kilometer di e half marathon dentro di un siman, team Kyrenne tin full confiansa cu lo recauda mas fondo durante e siguiente caredanan. Siguientemente riba e agenda, Romar Arendsz lo bay corre e Ragnar Reebok SoCal 300Km ultramarathon. E kilometernan aki por wordo cumpra desde awe y ya caba 11Km a wordo bendi, Romar lo core 70Km durante e careda di relay aki. Tambe ta posibel pa hasi bo donacion via di e cuenta bancario di ViperStrong. Mas info por lesa riba e fanpage di Romar Arendsz of e Facebook page di ViperStrong. Pasa serca Tristan, Jareth of Romar pa asina hasi bo contribucion na e causa di bon curazon aki.
Romar Arendsz ta sinti su mes hopi satisfecho di su logro diadumingo ku a pasa den e International Half Marathon Aruba. Tur esakinan ta sacrificio, dedication, disciplina pa por logra su meta otro aña den World Champ Athlete 70.3 Ironman. E kier a gradici su coach “multi sport coach” Miguelangel Ponte, cu ta esun cu ta traha su schedule y trainingnan. E obhetivo principal ta pa cualifica pa World Championship 70.3 Ironman na 2019.
Un palabra di gratitude ta bay na Romar Arendsz su sponsornan Total Services Aruba, HC adidas sports, E Sushi Shap, Nagico, JADS Aruba, Kooltemp.
