Pa algun dia caba tabata haya informacion di algo cu mester a sosode na costa nort di Aruba. Y awo a logra haya confirmacion. Incluso autoridadnan ta haciendo un investigacion riguroso.
Algun persona cu sa bay regularmente na costa nort di Aruba, Matividiri bay nort, dado momento a topa cu algo na suela cu mesora a hala nan atencion. Ora cu a sak, a mira bon cu tabata trata di un feto. Nan a spanta masha hopi mes, pero tabatin miedo.
Nan a tuma contacto cu 24ora y a conta kico nan a mira. A sigura cu ta trata di un feto y e ta mustra completamente forma. Ta pensa cu e baby a nace of a interumpi e embaraso y a bay deshaci di e feto aki na costa nort di Aruba. Of e por a tuma luga na e rancho ey mes unda cu a haya e feto.
Mesora un team di Recherche a cuminsa riba e caso. Ta buscando tur informacion di camaranan di vigilancia riba ruta pa e rancho y mira cual ta e vehiculonan cu a pasa eybanda.
Cualkier persona cu a mira un hende na estado of tabata sa cu e persona tabata na estado y no ta mir’e cu baby, por duna informacion na Polis. Por yama 11141.
