Pa straño cu e por zona, cu como seis auto di polis cu luz blauw sendi, asina mes un automobilista a presta su mes pa pasa den banda di tur e patruyanan y bisa cu e no a mira e polisnan. E señora a habri su diadomingo cu un bon zundra.
Awe mainta trempan a sosode un accidente fatal riba L.G. Smith Boulevard, na altura di Linear Park dilanti Surfside Marina. Polis a cera ambos banda di caminda pa por investiga. Mester a saca potret y investiga e posibel scenario di e accidente.
Na dado momento, un auto a purba burla di e baricadanan na crusada, pasa e polisnan manera nada n’ pasa. Cu grito a instrui e señora pa para e auto. A puntr’e si e no a mira cu e caminda ta cera y el a pidi despensa, pasobra aunke ta di dia cla, aunke cu tur auto di polis ta cu luz sendi memey caminda para….toch e chauffeur aki no a mira nan!
