Dialuna mainta ta habri cu un accidente bastante serio na crusada di Emmastraat y Professor Lorentzstraat caminda cu un Nissan Fuga (color shinishi) biniendo for di noord a yega na e crusada y sali dilanti un Hyandai Pichup flatbom (colo blanco) di compania ATCO biniendo di ariba cu no a haya chens di evita e impacto y a dal den e vehiculo cu a sali su dilanti cu tur consecuencia.
Testigo na sitio a indica cu e pickup no a haya oprtinudad di evita e impacto. E Nissan shinishi a sali su dilanti. E impacto tabata asina fuerte cu e pickup a dal, bay halto y bolter y keda boca abou na un distancia di e crusada.
Chauffeur di e pickup a resulta herida mientras cu e otro chauffeur a sali ta cana for di su vehiculo sin mucho of practicamente ningun señal di ta herida..
Na prome instante a pidi presencia di Brandweer mirando cu e victima lo tabata den situacion fastioso (pega) den e vehiculo pero esnan na sitio, e first responders, a logra saca e victima y asina haya asistencia di ambulance na sitio cu a transporte despues pa Hospital.
Tin di bisa si cu e daño material ta grandi, e vehiculo cu a ocacciona e accidente ta esun cu hopi daño na parti dilanti di e auto pero ta esun cu no a resulta herida. Polis tabata tin e area completamente cera pa trafico pa asina duna espacio pa traha cu e victima como tambe acumula tur material, datos y informacion necesario relaciona cu e accidente aki.
