Monica Pimentel nos atleta Olimpico y su atletanan ta preparando duro na Catiri 63-C banda di Aruhiba pa Best of the Best 2018.
Monica Pimentel ta train su team di dialuna pa diasabra for di 6’or y mey di atardi pa 8’or y mey di anochi. E siguiente atletanan a wordo selecta pa forma parti di Best of the Best 2018: Anabella Fernández, Noslenne Tromp, Jayzion Cornes, Regerick Ching, Nathan Fradl, Maelynn Fradl, Deevah Loefstop,Rouel Baarn, Chiara Petrocchi y Monica Pimentel. Coach ta bay Monica Pimentel y Jose Henriquez.
Monica Pimentel ta atleta Olimpico, mientras cu Chiara Petrocchi ta medayista di Oro di weganan Sur Americano. Aruba por conta cu e atletanan di Impact Taekwondo lo bay pone e Bandera di Aruba ariba den Best of the Best contra e Paisnan Internacional manera: Corsou, Ecuador, Chile, USA, Canada, Surinam, Colombia y Venezuela.
Impact Taekwondo ta haci un yamada na Aruba completo pa bin mira e atletanan di Aruba bringa contra e Paisnan Internacional den Centro di Bario Brazil dia 17 di November cuminsando pa 7’or di anochi.
