Idea a organisa un curso, hunto cu Cosme, relaciona riba agricultura. Louella Croes-Ras, kende ta policy business development advisor na Idea, a splica cu ta trata aki di dos dia di training y ta enfoca riba agricultura.
E prome dia a trata Good Agriculture practices y e di dos dia a trata e organic standards pa berdura y fruta fresco.
Segun Croes-Ras, Idea ta organisando diferente simposio, entre otro Exprodesk, Royalties tambe. Nan a organisa basta training y tayer cu a tuma luga den pasado y awor aki ta bay tin uno cu probablemente e lo ta den Juli. E ta mas riba business continuity. Tambe tin e Kidspreneur project cu ta bezig cun’e hunto cu Trai Merdia y lo bay tin un Summer camp cu tin planea pa logra den Juli.
Pakico e cursonan aki
E cursonan aki tin basta interes pa nan, vooral esun di agricultura, cu a tuma lugar algun dia pasa. Aña pasa a organisa un sesion di tayer di 4 pa 5 dia, cu hopi informacion riba administracion, belasting, tabata tin success stories di e agricultornan na Aruba. A haya un bon atendencia y esey a haci tambe cu ta mira durante di e tayer, por a mira tur e bottlenecknan cu nan ta pasando den dje. Despues di esey a organisa un lectura tambe di cooperatieve vereniging, con pa lanta uno na Aruba. Esey tabata specialmente pa e agricultornan na Aruba y despues di esey un grupo a firma cu nan ta di acuerdo pa join pa lanta un cooperativa. A tene nan prome meeting unda cu a forma nan prome directiva. Awo ta enfoca mas pa logra e belangenvereniging y paso pa paso lo logra pa e cooperatieve vereniging. Idea y Santa Rosa ta duna sosten pa logra esey.
Idea
Idea a wordo estableci desde Februari 2012. E ta un division nobo di Directie Economische Zaken. Idea ta para pa Iniciativa pa desaroyo di empresa Arubano y ta duna informacion y guia cu kier habri negoshi nobo. Tambe riba e parti di educacion ta yuda nan cu tayernan cu ta gratis. Tambe trainingnan cu ta hunto cu Cosme. Tambe tin dos curso di empresaro prepara number 1 y 2, cual ta haci cu enseñansa pa empleo.
Cosme ta un programa cu ta financia pa Union Europeo. El a cuminsa desde April 2014 y tin 12 OCT den Caribe cu ta participa den e proyecto aki. Aruba, Boneiro, Corsou, St. Maarten etc. y dos focal point member ta Directie Economische Zaken, esta Idea y Kamer van Koophandel, Croes-Ras a splica.
