Entrante 25 di september, e Coronapas lo bira obligatorio pa e sector horeca como tambe sector artistico y cultural mientras cu e medida di distancia social di 1.5 meter lo disparce. Esaki segun un informe di RTL y De Telegraaf diadomingo despues di un consulta di Catshuis tocante e medidanan di Coronavirus.
Fuera di esaki, tapaboca lo permanece obligatorio den transporte publico. Ademas, e conseho pa traha na cas no lo cambia p’awo y bida nocturno lo permanece cera entre 12:00 am pa 6:00 am. Pa loke ta trata e sector di evento, no ta conoci si lo bay ofrece mas espacio. “E conseho ta pa sigui mantene distancia y respeta e medidanan basico”. Diamars awo e gabinete lo bay tene un rueda di prensa tocante e demas medidanan.
Pa cobertura mas amplio lesa edicion di TREMPAN mañan.
