Polisnan a para na diferente localidad strategico pa asina controla e trafico biniendo Playa despues di Jouvert Morning.
Na Pos Chikito pariba di rotonde y pazuid di rotonde tabata algun di e lugarnan cu a haci e control. Varios chauffeur a pasa e control.
Polisnan mes tabata mira e situacion y laga nan supla. Den e control ta varios detencion a cay. Tabata tin homber y muhe cu a keda deteni coriendo auto bou influencia. Tin cu tabata hopi bebi cu casi no por a para riba nan pia.
A transporta esnan deteni warda di Polis unda Sub Fiscal a sigui e proceso. Den e proceso tin hasta hende muhe cu no tabata tin documento legal pa keda Aruba.
Aunke e hendenan sa cu tin control di Polis, tog nan ta trip y core auto bebi. Bo ta core e riesgo di keda deteni manera varios di esnan riba e fotonanan aki.
E conseho ta no core auto bou influencia. Un mensahe cu pa varios aña caba ta bayendo.