Diadomingo, pa mas of menos 5’or y 50 di mainta, patruya di Noord a wordo dirigi na un cas den Caya Dansa, caminda lo tin un homber canando cu cuchiu den man den e cura di cas. Mesora patruya a mobilisa nan mes na e sitio menciona. Na e sitio, personanan cu ta biba den e apartamento parti patras di e cas, ta conta polis cu tabata tin un fieta, cual a caba. Despues un homber a bin cu un cuchiu den man y a cuminsa bora e porta di e apartamento cu un cuchiu. Ora cu polis a bay controla rond di e cas, nan no a topa cu e homber menciona. Na dado momento cu un miembro di prensa a yega na dicho adres, el a bin topa cu un homber ta sali core bay direccion nort y a core sconde. Un di e polisnan, hunto cu e miembro di prensa, a cuminsa busca rond den e vecindario y a bin logra topa cu e individuo aki, scondi bao di un pickup di e bisiña den bario. E homber a bira agresivo cu polis, pero a bin logra domin’e. E tabata bao di influencia di un ke otro substancia y no tabata kier a coopera. E homber a keda deteni, pa motibo cu muy probablemente e homber aki tabata esun cu a bora e porta di e apartamento cu e cuchiu. A manda pidi pa dogcatcher pa asinta transporta e superman aki pa warda, pa asina duna cuenta dicon el a sali core bay for di e cas y a sconde den cura di bisiña.
