Diamars alrededor di 9:00 pm polis a presenta na un cas den Bilderdijkstraat na Playa p’un problema di pareha. Na yegada e agentenan policial a haya nan mes tabata interveni basta entre e hende homber y e hende muhe.
No ta conoci si e homber a ataca su pareha of no, pero un cos ta sigur, polis a deten’e y transport’e pa ward’i polis. Na warda a opta pa want’e den e transporte policial, pasobra e homber tabatin varios sintoma y tabata tin sospecha cu e detenido lo ta infecta cu Covid-19.
A opta pa want’e den e transporte policial cu su tapaboca bisti. Un subfiscal a atende cu ne na warda di polis, no ta conoci si el a keda encarcela si of no.
