Diadomingo mainta, algo prome cu 5’or, automobilistanan atento a bati alarma pa un auto para memey di caminda cu luz paga y cu lo mester tin un hende den dje. Na yega di Polis na Washington nan a topa cu dicho auto. Polis tin mannan yen cu e chauffeur aki, mirando cu no ta prome biaha e ta para su auto memey caminda, paga su luz y bay drumi. Un acto hopi peligroso, mirando cu esaki por trece su bida y di otro na peliger. A deten’e e chauffeur iresponsabel aki y transport’e pa Warda pa asina e sigui drumi y habri dia di Señor trankilo den cel.
